ئارمانجا فەستیڤالێ

ل دویڤ شیرەت و راسپاردێن جەنابێ سەرۆک بارزانی و پویتەدانا سەرۆکاتیا هەرێمێ و گورەیی بەرنامێ حکومەتا هەرێما کوردستانێ بو گەشەکرنا کەرتێن چاندنێ و گەشتیاری، پار ئێکەمین ڤیستەڤالا بەرهەمێن خومالی ل دەڤەرا بەرواریا هاته ئەنجامدان. وەک درێژە پێدان بو وێ سیاسەتا ئابوری و ستراتیژیەتا حەکیمانه یا سەرۆک بارزانی و ل دیڤ داخازا خەلکی و دام و دەزگەهێن فەرمی و مەدەنی، مه ب باشی زانی درێژیێ بڤێ ڤیستەڤالێ بدەین و بو ڤان ئارمانجان: گەشەپێدانا کەرتێ چاندنێ و بازارکرنا بەرهەمێن خومالی ل ئاستێ ناڤخو و ژ دەرڤه.

1. وەبەرهێنان و پێشڤەرنا پروژێ گەشتیاری ل دەڤەرێ.

2. پویتەدان ب کارێن دەستی و پروژێن بچووک یێن چاندنێ و گەشیاری .

3. خورتکرنا پرێن تێکەلیێن بازرگانی و کلتوری دناڤبەرا باکور و باشور و هەمی دەڤەرێن کوردستانێ و عێراقێ.

4. گەهاندنا خزمەتگوزاریا ب رەنگەکێ باشتر بو دەڤەرێ.

5. بلندکرنا ئاستێ کوالتیا بەرهەمی و هشیارکرنا جوتیارا ب رێکێن سەردە م یێن چاندنێ.

6. هاندانا خەلکی بو ئاڤاکرنا گوندا و پشتەڤانیا خوراگریا خەلکێ ل وێرێ دژیت.

7. ئاڤاکرنا سەنتەرەکێ بەردەوام یێ بازارکرنێ ل دەڤەرێ.

8. راکێشانا فوکسا راگەهاندنێ ب قەوارەکێ فرەوان بو سەر دەڤەرێ

9. گرنگیدان ب هەمەرەنگیا بەرهەمێن چاندنێ و کارێن دەستی و رەنگینیا بەرهەمێن خۆمالی یێن دەڤەرێ و کوردستانی.